छत्रपती शिवाजी महाराज यांची एकीची संकल्पना छत्रपती राजर्षी शाहू महाराज, महात्मा, ज्योतिबा फुले, आणि लोकमान्य टिळक यांच्या विचाराने प्रेरित होऊन १९७२ साली राजारामपुरी शिवाजी तरुण मंडळाची स्थापना राजारामपुरी २री गल्ली येथे झाली. सार्वजनिक गणेशोत्सव साजरा करताना शिस्त ,शांतता आणि भक्तिभाव यांना प्राधान्य दिले. वेगवेगळे पारंपरिक वाद्य हे गणेश मिरवणुकीचे आकर्षण असते. आकर्षक विद्युत रोषणाई, विविध मंदिरे, कलाकृती आणि सजावट याला सर्व भक्त मंडळींनी भरभरून दाद दिली. बैठी आणि सुरेख अशी एकाच साच्याची कायमस्वरूपी गणेशमूर्ती भक्तांना मोहून टाकते आणि भक्त ही तिच्या रूपात तल्लीन होऊन जातात. फक्त गणेश उत्सवच नाही तर इतर उत्सव दहीहंडी, होळी आणि शिवजयंती ही मंडळा मार्फत साजरी केली जाते.
मंडळाने समाज प्रबोधन, पूरग्रस्त निधी, वृक्षारोपण, अनाथ आश्रम व वृद्ध आश्रम यांना मदत, हृदय शस्त्रक्रिया करीता निधी, स्वच्छता मोहीम, गुणवंत विद्यार्थांचा सत्कार, अशी सामाजिक कार्य केले असून पूरग्रस्त लोकांना घरे बांधणी धान्य वाटप करीता कोल्हापूर जिल्हाधिकारी आणि काढसिद्धेश्वर मठ कणेरी यांच्या सहाय्यता निधीस निधी रूपात मदत तसेच कोरोना करीत मुख्यमंत्री सहाय्यता निधी करिता कोल्हापूर जिल्हाधिकारी यांच्याकडे निधी रूपात मदत. आशा अनेक मदती मंडळा मार्फ़त मदत केल्या गेल्या. आज मंडळ जे नावारूपास आले ते मंडळातील कार्यकर्त्यांनी घेतलेल्या अथक परिश्रमामूळे आणि सहकार्यामुळे. त्याच बोरोबर असंख्य भक्तांनी दाखवलेल्या विश्वासामुळे.